Большасць дашкольнікаў выхоўваецца ў рускамоўных сем’ях, з малку вучыцца размаўляць і думаць на рускай мове. У той жа час менавіта беларуская мова, якой карысталіся нашы продкі і якая захоўвае нацыянальную ідэнтыфікацыю з’яўляецца сапраўды роднай. Яна тлумачыць дзецям прыроду роднага краю, знаёміць з грамадствам, гісторыяй, традыцыямі і памкненнямі, уводзіць у народную паэзію, народныя вераванні і філасофію. Што ў большасці адбываецца праз прыказкі, прымаўкі, народныя гульні, песні, казкі, праз народную педагогіку і скарбонку – фальклор.

З мэтай развіцця беларускага маўлення дзяцей дашкольнага ўзросту сродкамі выкарыстання фальклору ў розных відах дзейнасці выхавальнік малодшай групы Казлова В.П. правяла адкрыты занятак для нашых выхавальнікаў дашкольнай установы. Дзеці з задавальненнем інсцэніравалі казку "Дзедава рукавічка".